साङ्केतिक तस्वीर
झापा । करिव दुई सातामा बिर्तामोडमा तेस्रोपटक लाखौंको धनमाल चोरी भएको छ । पछिल्लाे पटक बिर्तामोड ५ कंचनजंघा टोलका कुमार बुढाथोकीको घरबाट सुनको गरगहना ६ तोला १४ आना, चाँदीको गरगहना ६ तोला र नगद रु २० हजार गरी अन्दाजी १३ लाख बराबरको धनमाल चोरी भएको प्रहरीले जनाएको छ । बुढाथोकी परिवार इटहरी गएको मौकामा घरमा कोही नभएको अवस्थामा चोरी भएको इलाका प्रहरी कार्यालय बिर्तामोडले जनाएको छ ।
यसअघि पनि बिर्तामोडमा कोही नभएको मौका छोपी ढोका फोरी चोरीका घटना
भएका थिए । गत बैशाख २६ गते बिर्तामोड ३ पुण्डरी टोलका किरण
दाहालको घरबाट २९ लाखको धनमाल चोरी भएको थियो भने त्यसअघि बैशाख १५ गते
दिनदहाडै ढोका फोरी बिर्तामोड –४ हिमशिखर टोल बस्ने कमला कार्कीको घरबाट २९
लाख बराबरको धनमाल चोरी भएको थियो । याी घट्नालाइ हेर्दा पछिल्लाे समय बिर्तामाेडमा शृङखलाबद्द् रूपमा चाेरी भइरहेकाे पुष्टि हुन्छ । प्रहरीलाइ सुरक्षा चुनाैति पनि कडा देखिएकाे छ ।
