झापा । करिब १५ लाख भारतीय रुपैयाँसहित माेरङ् उर्लाबारीका एकजनालाइ सशस्त्र प्रहरीले झापामा पक्राउ गरेकाे छ ।
सशस्त्र प्रहरी बल नेपाल, प्रस्तावित सुरक्षा गुल्म काँकडभिट्टाबाट
खटिएको टोलीले आज बिहान मेचीनगर–७ स्थित जोरसिमलमा चेकजाँचका क्रममा स्रोत
नखुलेको १४ लाख ९९ हजार ७ सय भारतीय रुपैयाँसहित मोरङ उर्लाबारी– ८
अठियावारीका ३८ वर्षीय डम्बरबहादुर कार्कीलाई पक्राउ गरेको सशस्त्र प्रहरी बल नेपाल गण नं. २ झापाले जनाएकाे छ ।
काँकडभिट्टाबाट विराटनगरतर्फ जाँदै गरेको बसमा उनलाई सो रकमसहित पक्राउ गरिएको सशस्त्र प्रहरी बल नेपाल गण नं. २ झापाका डिएसपी सुमन पाेखरेलले जानकारी दिए । बिहान करिब १०ः०५ बजे काँकडभिट्टाबाट विराटनगरतर्फ जाँदै गरेको यात्रुवाहक बसमा शंका लागेर चेकजाँच गर्दा ५०० दरका २,९९९ थान र २०० दरको १ थान गरी जम्मा १४ लाख ९९ हजार ७ सय भारतीय रुपैयाँ (विनिमय दर अनुसार नेपाली रू. २३ लाख ९९ हजार ५२० बराबर) सहित कार्कीलाई पक्राउ गरेको उनले जनाए । नगदसहित कार्कीलाई आवश्यक कारबाहीका लागि राजस्व अनुसन्धान कार्यालय इटहरीमा बुझाइएको उनले जानकारी दिए ।
