झापा / झापाकाे विर्तामाेड, झिलझिले र दमक इलाका प्रहरी कार्यालयमा रहेका ९२ थुनुवाहरु फरार भएका छन् ।
जेनजीका प्रदर्शनकारीहरूले इलाका प्रहरी कार्यालय बिर्तामोड, झिलझिले र दमकमा तोडफोड र आगजनी गर्दा ९२ जना थुनुवाहरू भागेकाे जिल्ला प्रहरी कार्यालय झापाले जानकारी दिएकाे छ।
प्रहरीका अनुसार इलाका प्रहरी कार्यालय दमकबाट ५१ जना, झिलझिलेबाट ५ जना र विर्तामाेडबाट ३६ जना गरि ९२ जना रहेका छन् ।
सामान्य देखि गम्भिर प्रकृतिका मुद्दमा अनुसन्धानका लागि नियन्त्रणका लिएका थुनुवाहरुलाई यसरी आन्दाेनकारीले भगाएपछि समाजलाईमा झन ठुलाे समस्या निम्त्याउने जिल्ला प्रहरी कार्यालयका प्रहरी नायव उपरिक्षक खगेन्द्रबहादुर खड्काले देश प्रदेश खबरलाई बताए । उनका अनुसार ती कार्यालयहरुका सम्पूर्ण कागजात जलेर नस्ट भएकाले के कस्ता प्रकृतिका मुद्दा थिए अहिले बताउने अवस्था नरहेकाे बताए ।
लामो झडपपछि इलाका प्रहरी कार्यालय बिर्तामोडमा प्रवेश गरी ठुलो सङ्ख्यामा रहेका प्रदर्शनकारीहरूले तोडफोड , आगजनी र लुटपाट मच्चाएपछि प्रहरीहरू आत्मसमर्पण गरी एकसरो लुगामा त्यहाँबाट भागेर ज्यान जोगाएका थिए ।
अहिले प्रदर्शनकारीहरूको निशानामा परेका प्रहरी कार्यालयहरू खाली गरी सबै प्रहरीहरू जिल्ला प्रहरी कार्यालयमा एकत्रित भएका छन् । त्यहीबाट प्रहरीले संयुक्त कारबाही गर्ने जिल्ला प्रहरी कार्यालयले जनाएको छ ।
