झापा । झापा कचनकवलकी वडा नम्बर १ की १५ वर्षीया बालिका नेहारिका राजवंशी दुई दिनपछि मृत भेटिएकी छन् । बगाएको ठाउँदेखि करिव २ किलोमिटर दक्षिण कचनकवल १ स्थित जमुवा खाेलामा नै शव
फेला परेको जिल्ला प्रहरी कार्यालय झापाले जनाएकाे छ । जमुना खाेलाकाे विचमा शव फेला परेकाे जिल्लाका डिएसपी कृष्णकुमार चन्दले जानकारी दिए । खोजी गर्नेक्रममा आइतबार दिउँसाे उनको शव फेला परेकाे उनले जनाए ।
कचनकवल गाउँपालिका–१ झकुवाटोली बस्ने पचुँ राजवंशीकी छोरी नेहारिकालाई शुक्रवार दिउँसो जमुवा खोलाले बगाएको थियो । भारतमा रहेकी सानिमाको घरबाट पाहुना खाई घर फर्कने क्रममा चमरभिट्टा पुल छेउमा पुगेपछि साइकलसहित उनलाई खोलाले बगाएको थियो ।
