झापा / झापाको भद्रपुरमा हनुमान जयन्तिको अवसरमा भव्य रूपमा कार्यक्रम भइरहेको छ। धार्मिक आस्था र सांस्कृतिक उत्साहका बीच स्थानीयवासीको उल्लेखनीय सहभागितामा विविध कार्यक्रम आयोजना गरिएकाे आयाेजकले जानकारी दिएकाे छ।
हनुमान मन्दिरबाट निकालिएको झाँकीसहितको र्याली भद्रपुर बजार क्षेत्र परिक्रमा गर्दै भानुचोक, संगम, हस्पिटल मोड, गणेश मन्दिर हुँदै पुनः भद्रपुर–५ स्थित मेची किनारमा रहेको हनुमान मन्दिर पुगेर समापन गरिने आयाेजकले जानकारी दिएकाे छ। र्यालीमा बाजागाजा, भजन–कीर्तन तथा विभिन्न झाँकी प्रस्तुत गरिएको थियो, जसले वातावरणलाई पूर्ण रूपमा भक्तिमय बनाएको थियो।
कार्यक्रममा बालबालिकादेखि वृद्धवृद्धासम्मको उत्साहजनक सहभागिता देखिएको थियो। सहभागीहरूले भगवान हनुमानको जयजयकार गर्दै नगर परिक्रमा गरेका थिए। आयोजक समितिका अनुसार हनुमान जयन्तिको अवसरमा हरेक वर्ष यसरी नै भव्य कार्यक्रम गर्दै आइएको र आगामी वर्षहरूमा अझ व्यवस्थित रूपमा आयोजना गरिने योजना रहेको छ।
सुरक्षाको दृष्टिले स्थानीय प्रशासन र प्रहरी परिचालन गरिएको थियो भने कार्यक्रम शान्तिपूर्ण रूपमा भइरहेकाे छ ।
