झापा / कैलालीकाे कारागारमा कैदीबन्दीको मृत्यु भएको घटनापछि प्रमुख जिल्ला अधिकारी गोगनबहादुर हमाललाई गृह मन्त्रालयले तानेकाे छ ।
बुधबार मन्त्रालयले सिडिओ हमाललाई गृह मन्त्रालय तानेर कृष्णप्रसाद लम्साललाई पठाइएको छ।
लम्साल हाल दाङमा सिडिओ छन्। उनलाई दाङबाट त्यहाँ पठाइएको हो । दाङमा भने अहिले कसैलाई पनि नखटाएका कारण दाङ प्रमुख जिल्ला अधिकारी विहिन भएकाे छ ।
साउन २३ गते राति कैलाली कारागारमा दुई वटा ब्लकमा बसेका कैदीबन्दीहरूबीच झडप भएको थियो ।झडप हुँदा धनगढी उपमहानगरपालिका–४ का ४० वर्षीय कैदीबन्दी भरत चौधरीको मृत्यु भएको थियो भने उक्त घटनामा ४७ जना घाइते समेत भएका थिए।
