जिल्ला सुनसरीको गढी गाउँपालिका–२ गुण्डु पोखरीस्थित दुहबी–इनरुवा सडकखण्डबाट प्रहरीले बिलबिजकबिनाको लत्ताकपडा बरामद गरेको हो।
प्रहरीका अनुसार २०८३ साल भदौ २९ गते अपराह्न ४ः२० बजे इलाका प्रहरी कार्यालय दुहबी र ट्राफिक प्रहरी पोष्ट दुहबीबाट संयुक्त रूपमा खटिएको प्रहरी टोलीले दुहबीबाट इनरुवातर्फ आउँदै गरेको यात्रुवाहक म्याजिकलाई चेकजाँच गरेको थियो।
चेकजाँचका क्रममा म्याजिकभित्र बिलबिजक नभएका विभिन्न लत्ताकपडा फेला परेका थिए। प्रहरीले बरामद गरेको लत्ताकपडाको अन्दाजी मूल्य १ लाख ६९ हजार २ सय रुपैयाँ रहेको जनाएको छ।
बरामद गरिएको लत्ताकपडा आवश्यक कारबाहीका लागि इलाका प्रहरी कार्यालय दुहबी, सुनसरीमा ल्याएर राखिएको प्रहरीले जनाएको छ।
घटनाबारे थप आवश्यक अनुसन्धान तथा कानुनी प्रक्रिया अघि बढाइएको प्रहरीको भनाइ छ।
