झापा । वैदेशिक रोजगारका लागि झापाबाट जाने मानिसको सङ्ख्यामा कमी आएको छ । गत अर्थिक वर्षमा झापाबाट ३३ हजार ५ सय ७० जना विदेशिएका थिए भने चालु आर्थिक वर्षको नौ महिनामा २५ हजार ५ सय ८० जना वैदेशिक रोजगारमा गएका छन् । चालु बर्षमा विदेशिएकामध्ये २० हजार ५ सय ५९ जना पुरुष र अन्य महिला रहेको तथ्याङ्ले देखाएको छ ।
स्वीस सरकार विकास सहयोग एसडीसी र नेपाल सरकारको संयुक्त कार्यक्रमको रुपमा भद्रपुर नगरपालिकामा सञ्चालन गरेको सुरक्षित आप्रवासन (सामी)को तथ्यङ्कले यस्तो देखाएको हो । सामीले बुधबार भद्रपुर नगरपालिकामा पत्रकारसँग गरको छलफलमा यस्तो देखिएको थियो ।
यो तथ्याङ्कमा ९० प्रतिशत काम गर्नकै लागि विदेशिने गरेको पाइएको छ । वैदेशिक रोजगारीको सिलसिलामा ठगिमा परेपछि गत आर्थिक वर्ष ०७९÷ ८० मा १३० वटा उजुरी परेकोमा ४० वटा फर्छैट गरेवापत ३८ लाख ४५ हजार रुपैयाँ फिर्ता गरिएको परियोजना अधिकृत शेखर बुढाथोकीले बताए । त्यसैगरी चालु आर्थिक वर्षको वैशाख ११ सम्म ११७ वटा उजुरीमा २२ वटा समाधान गरी ४५ लाख ९० हजार रुपैयाँ फिर्ता गराइएको उनले जानकारी दिए । त्यसैगरी आर्थिक सहायता तर्फ भद्रपुरमा ३ जनालाइ जनही २१ हजार र एक जनालाइ अवधि नाघेकोले क्रिया खर्च वापत २५ हजार रुपैयाँ प्रदान गरिएको जनाइएको छ ।त्यसैगरी जिल्ला प्रशासन कार्यालयबाट ०८१ वैशाख ११ सम्म ८ हजार ९ सय ११ र गौरीगञ्जबाट १ हजार ३ सय एक जनालाइ सूचना प्रवाह गरिएको उल्लेख छ ।
