झापा / झापाकाे हल्दीबारीमा आगलागीबाट घाइते भएका एक जनाकाे मृत्यु भएकाे छ भने दुई जना घाइते भएका छन् ।
शनिबार हल्दीबारी -४ ओली चौक स्थित पुन्य प्रसाद ओलीकाे घरमा आगलागी हुदाँ ६० वर्षीय घरधनी उपचारकाे क्रममा मृत्यु भएकाे हाे भने ५९ वर्षीया गाेमा देवी ओली र ३३ वर्षीय सन्ताेष ओली घाइते भएका प्रहरीले जानकारी दिएकाे छ ।
प्रहरीका अनुसार ओलीको ईटाले बनेको ३ तले पक्की घरको दोस्रो तल्लाको भान्सा कोठामा रोटी पकाउने क्रममा ग्याँसमा अचानक आगो सल्कन गई भान्सा कोठामा आगलागी हुँदा निज सहित ३ जना उक्त घरका मानिसहरु आगो निभाउने क्रममा घाईते भई उपचारको लागी ओमसाई पाथीभारा अस्पताल भद्रपुर पठाइएकोमा उक्त अस्पतालमा उपचार हुन नसकेर घाइतेहरुलाई थप उपचारका लागि काठमाडाैंकाे किर्तिपुर स्थित बर्न अस्पतालमा पठाइएकाे थियाे ।साेही अस्पतालमा उपचारकाे क्रममा पुन्य प्रसादकाे मृत्यु भएको हाे भने गाेमा देवी र सन्ताेषकाे उपचार पश्चात डिस्चार्ज भएकाे जिल्ला प्रहरी कार्यालय झापाले जानकारी दिएकाे छ ।
