झापा / विभिन्न १० वटा वाम दल र समूहसहितले पार्टी एकता घोषणा गरेका नेताहरु नेपाली कम्युनिस्ट पार्टी दल दर्ताका लागि थप कागजात लिएर निर्वाचन आयोगमा पुगेका छन् ।
पार्टी एकता घोषणाको भोलिपल्ट कातिक २० गते नै नेपाली कम्युनिस्ट पार्टीले दल दर्ताका लागि निवेदन दिइसकेका थिए तर कागजातहरु पूरा नभएका कारण दल दर्ता हुनसकेकाे थिएन तर आज सबै कागजातहरु पूरा लिएर उनीहरु आयाेग पुगेका हुन् ।
वर्षमान पुन, राजेन्द्रप्रसा पाण्डे लगायतका नेताहरू आइतबार निर्वाचन आयोग पुगेर थप कागजात बुझाएका हुन् ।
नवगठित पार्टीको चुनाव चिह्न पाँचकुने तारा राखिएको छ ।
निर्वाचन आयोगका प्रवक्ता नारायणप्रसाद भट्टराईले नेपाली कम्युनिस्ट पार्टीको दल दर्ता निवेदन प्राप्त भएको जानकारी दिएका छन् । साथै, थप प्रकिया अघि बढेको पनि बताएका छन् ।
आगामी २१ फागुनमा हुने निर्वाचनमा भाग लिने राजनीतिक दलले यही ३० कात्तिकभित्र दल दर्ताको प्रमाणपत्र लिइसक्नुपर्ने छ ।
