झापा । तेस्रो लिङ्गीको नाममा बिर्तामोडमा आतंक बढ्दै गएको छ ।
भनेजति रकम दिनुपर्ने ,नदिए धम्की दिने , गाली गर्ने , अश्लील शव्द प्रयोग गर्ने , शरीरका संवेदनशील अंग देखाउने कार्यले मानिसहरु आतंकित बनेका छन् । तेस्रो लिङ्गी आउँदा भाग्नुपर्ने अवस्था आएको सर्वसाधारणहरु बताउँछन् ।
बिर्तामोड ३ सैनिकमोडस्थित विराट बहुउद्देश्यीय सहकारी संस्थामा उनीहरुले जवर्जस्ती रकम असुल्न खोजेका थिए । पाँच हजार सहयोग मागेकोमा आफूहरुले त्यति दिन नसक्ने बताएपछि तथानाम शव्द प्रयोग गरी अश्लील हर्कत उनीहरुले देखाएको सहकारीका प्रवन्धक रुद्र सिटौलाले बताए । संझाई बुझाई गर्दा नटेरेपछि प्रहरी बोलाएर उनीहरुलाई हटाउनु परेको सिटौलाले जानकारी दिए । विराट सहकारीसहित अन्य ठाउँमा पनि उनीहरुले थर्काउँदै सहयोग मागेको स्थानीयले बताएका छन् ।
