झापा / गर्मीकाे चापसँगै डेंगी राेगबाट संक्रमित बिरामी दिन प्रतिदिन बढ्दै गएकाे छ । हाल सम्म सङ्क्रमितको संख्या १६ सय ७३ पुगेको छ ।
सातै प्रदेशमामा डेंगी सङ्क्रमितको संख्या क्रमशःबढ्दै गएको छ । स्वास्थ्य सेवा विभाग अन्तर्गत इपिडीमियोलोजी तथा रोग नियन्त्रण महाशाखाका अनुसार गएको एक सातामा ७१ वटा नयाँ डेंगीबाट संक्रमित फेला परेकाे पुष्टि भएको छ ।
गएको सात दिनमा सबैभन्दा धेरै संक्रमित २० जना गण्डकी प्रदेशमा र कम १ जना कर्णालीमा पुष्टि भएको छ । यस्तै, कोसीमा १५, बागमतीमा १५, लुम्बिनीमा १२ , मधेसमा ५ र सुदूरपञ्चिममा ३ जना रहेका छन् ।
गएको पुस महिनायता सात प्रदेशमध्ये बागमती प्रदेशमा बढी सङ्क्रमित छन् भने कम मधेस प्रदेशमा सङ्क्रमित भएको पाइएको छ । सङ्क्रमितको संख्या क्रमशः ४ सय ४ बागमती, ३ सय ५८ गण्डकी, ३ सय ३४ कोसी, २ सय ७८ लुम्बिनी, २ सय ३२ सुदुरपञ्चिम, ३६ कर्णाली र ३१ मधेस प्रदेशमा डेंगी सङ्क्रमण पुष्टि भएको पाइएको छ ।
