झापा । प्रधानमन्त्री केपी शर्मा ओलीले पानीको अभावका कारण मधेस सुक्खाग्रस्त भएको बताउँदै तत्कालका लागि ५ सय डिप बोरिङ जडान गर्ने घोषणा गरेका छन् । शुक्रबार महोत्तरीमा आयोजित एक कार्यक्रमलाई सम्बोधन गर्दै उनले एउटा डिप बोरिङबाट ६० बिघा क्षेत्रफल सिँचाइ गर्न सकिने समेत बताए । सरकारले सङ्कटग्रस्त क्षेत्र घोषणासमेत गरिसकेको बताए । सरकार सङ्कटग्रस्त क्षेत्र घोषणा मात्रै गरेर नबस्ने भन्दै दीर्घकालीन र तत्कालीन उपायहरू सुरु गरिसकेको बताए ।
चुरेमा पानीका तालतलैया बनाउने, पानी जम्मा गर्ने
कार्यमा सरकार लागेको बताए । सरकारको तर्फबाट मधेसमा पानीको समस्या समाधान
गर्न सबै सरकारी निकाय, गैरसरकारी निकायहरूलाई आग्रह गरे ।
सङ्कटग्रस्त क्षेत्र घोषणा गर्ने मात्रै होइन यस क्षेत्रमा दीर्घकालीन र
तत्कालीन दुई उपायहरू पानीका तालतलैया बनाउने,
पानी जम्मा गर्ने र जसबाट जमिनको सतहको पानी तल जान नदिने गरी अनुकूल
वातावरणतर्फ फर्काउने बताए । प्रधानमन्त्री ओलीले ८ वटै जिल्लालाई ध्यानमा राखेर काम गर्ने प्रतिबद्धता जनाए ।
