झापामा हिलोमा फसेको जंगली चित्तलको सफल उद्धार
झापा जिल्लाको दमक नगरपालिका–२ स्थित जग काली मन्दिर पछाडि रहेको ध्रुव गुरागाईंको प्लटिङ गरिएको खाली जग्गामा हिलोमा फसेको अवस्थामा एक पोथी जातको जंगली चित्तल फेला परेको छ। उक्त घटना मिति २०८२ साल ०९ महिना २७ गते दिउँसो करिब १३:०० बजे स्थानीय बासिन्दाले देखेपछि सम्बन्धित निकायलाई जानकारी गराएका थिए।
सूचना प्राप्त हुनासाथ इलाका प्रहरी कार्यालय दमकबाट खटिएको प्रहरी टोली तथा दमक सब–डिभिजन वन कार्यालयका कर्मचारीसहितको संयुक्त टोली घटनास्थलमा पुगेको थियो। टोलीले हिलोमा फसेको चित्तललाई सुरक्षित रूपमा उद्धार गरी आवश्यक समन्वय पश्चात् झापा जिल्लास्थित जामुनबाडी सामुदायिक वन कार्यालयको संरक्षण केन्द्रमा पठाएको छ।
उद्धार गरिएको चित्तललाई दमकमा कार्यरत वन रक्षक वीरेन्द्र पौडेलको जिम्मामा सुरक्षित रूपमा हस्तान्तरण गरिएको जनाइएको छ।
