झापा । आगामी बैसाक १५ मा हुने उपनिर्वाचनमा सत्तारुढ नेकपा माओवादी केन्द्रबाट इलाम क्षेत्र नं. २ का लागि धीरेन्द्र शर्मा तिम्सिना उम्मेदवार सिफारिश भएका छन् ।
माओवादी केन्द्रको जिल्ला कमिटीले उपनिर्वाचनका लागि उनको एकल नाम प्रदेश कमिटी समक्ष सिफारिश गरेको हो । उम्मेदवारका रूपमा एकल सिफारिश भएपछि आफूले चुनावको तयारी थालेको तिम्सिनाले बताए ।
२०७४ सालको चुनावमा उनी क्षेत्र नं. २ ‘ख’ बाट प्रदेश सभा सदस्यमा निर्वाचित भएका थिए । हाल उनी पार्टीमा केन्द्रीय कमिटी सदस्य छन् ।
इलाम–२ मा नेकपा एमालेले दिवंगत नेता सुवासचन्द्र नेम्वाङका छोरा सुहाङ नेम्वाङलाई उम्मेदवार बनाएको छ भने राष्ट्रिय स्वतन्त्र पार्टीबाट मिलन लिम्बु उम्मेदवार उठेका छन् ।
