झापा । तीन वर्ष भित्रमा झापामा आत्महत्या गर्नेकाे सङ्ख्या ९९९ पुगेकाे छ ।
जिल्ला प्रहरी कार्यालय झापाले दिएकाे जानकारी अनुसार २०७७ साउन देखि २०८० भदाै २४ गते सम्मकाे डाटामा उक्त सङ्ख्या देखाएकाे हाे ।
जस अनुसार २०७७/०७८ मा पुरूष ३०१ जना र महिला ३३ जना रहेका छन् । त्यसैगरि ०७८/०७९ मा २२२ पुरुष र महिला ९२ जना छन् भने ०७९/०८० मा पुरुष १८८ र महिला १२९ जना रहेका छन् ।
२०८० साउन देखि भदाै २४ गते सम्ममा पुरुष २५ जना रहेका छन् भने महिला ९ जना रहेकाे प्रहरीले जानकारी दिएकाे छ ।
जस अनुसार ०७७/०७८ मा झुण्डिएर आत्महत्या गर्ने पुरुष २८८, विष सेवनबाट ९, हातहतियार प्रयाेग गरेर २ र धारिलाे हतियारले घाँटी रेटेर २ जना रहेका छन् भने २५ जना महिला झुण्डिएर र ८ जना विष सेवन गरेर आतमहत्या गरेका छन् ।
०७८/०७९ मा झुण्डिएर आत्महत्या गर्ने पुरुष २०८, विष सेवनबाट १३ र हातहतियार प्रयाेग गरेर १ जना रहेका छन् भने ८३ जना महिला झुण्डिएर र ९ जना विष सेवन गरेर आतमहत्या गरेका छन् ।
०७९/०८० मा झुण्डिएर आत्महत्या गर्ने पुरुष १६४, विष सेवनबाट २१, आगाे लगाएर १, हातहतियार प्रयाेग गरेर १ र गाेली हानेर १ जना रहेका छन् भने १२० जना महिला झुण्डिएर र ९ जना विष सेवन गरेर आतमहत्या गरेका छन् ।
०८० साउन १ गते देखि भदाै २४ सम्म झुण्डिएर आत्महत्या गर्ने पुरुष २३ र विष सेवनबाट २ जना छन् भने ८ जना महिलाले झुण्डिएर र १ जनाले विष सेवन गरेर आत्महत्या गरेका छन् ।
आत्महत्या गर्नेकाे उमेर अनुसार २०७७ साउन देखि २०८० भदाै २४ सम्ममा १६ वर्ष मुनिका ६५ जना, १६ देखि २५ वर्षका २४१ जना, २६ देखि ३५ वर्षका १९९ जना, ३६ देखि ४५ वर्षका १७२ जना, ४६ देखि ६० वर्षका १९० जना र ६० वर्ष भन्दा माथिका १३२ जना रहेका छन् ।
