झापा । राष्ट्रिय प्रजातन्त्र पार्टी (राप्रपा)ले काठमाडौंमा गरेको विरोध सभामा सहभागी हुन गाउँ गाउँबाट आएका कार्यकर्ता देशमा बढेको भ्रष्टाचार र दण्डहिनताप्रति आक्रोशित देखिन्थे । मुलुकले धान्न नसक्ने संघीयताबाट मुलुकलाई मुक्ति दिनुपर्ने उनीहरुको मत छ ।
विरोध सभामा सहभागी ८३ वर्षीय वृद्धले तानाशाही नुरंकुसले देश खायो भन्थे, अहिले देश नेताले विदेशीलाई दिन तत्पर भएको बताउनुभयो । उहाँले यस्तै अवस्था रहिरहने हो भने अब जनताले खबरदारी नगरे यो देश विदेशीको हुन्छ र नेपालीलाई देशमा बस्ने अधिकार पनि नहुने बताउनुभयो ।
एकपछि अर्को भ्रष्टाचारका प्रकरण, भ्रष्टाचारमा पार्टीका नेताहरुको संलग्नता र मुलुकमा बढ्दो दण्डहीनताबाट तल्लो तह प्रताडित थियो ।
सभामा अधिकांश पाका उमेरका व्यक्ति भएपनि युवा र महिलाको जमात कम थिएन । टन्टलापुर घामको परवाह नगरी कतै नाचगान, त कतै नारा जुलुस गरी बेथिति विरुद्ध जनस्तरबाट लगाइएको खबरदारीको आवाज भने सुन्न जरुरी छ ।
