साङ्केतिक तस्वीर
झापा । सडक पार गर्दै गरेकाे कुकुरलाइ माेटरसाइकलले ठकर दिएर घाइते भएका दुइजनामध्ये माेटरसाइकलमा पछाडि सवार एककाे उपचारका क्रममा मृत्यु भएकाे छ । मृत्यु हुनेमा झापा शिवसताक्षी २ का ४० बर्षीय नविन आचार्य रहेकाे जिल्ला प्रहरी कार्यालय झापाले जनाएकाे छ ।
प्रहरीले दिएकाे जानकारी अनुसार शुक्रबार वेलुका साँढे ७ बजे कमल गाउँपालिका ५ स्थित सावित्री चाेकबाट पूर्व-पश्चिम लाेक मार्ग केर्खाहुदै दमक तर्फ जाँदै गरेकाे प्र.१-०१-०१४ प ८९१४ नम्बरकाे माेटरसाइकलले कुकुरलाइ ठकर दिँदा माेटरसाइकल चालक शिवसताक्षी २ का २६ बर्षीय पदमबहादुर पाैडेल र मृतक आचार्य घाइते भएका थिए ।
घटनापछि दुवैजनाकाे दमक स्थित निम्स अस्पतालमा उपचार भइरहेकाे अवस्थामा थप उपचारका लागि आचार्यलाइ बिएण्सी अस्पतालमा ल्याइएकाेमा शनिबार अपरान्ह् ४ बजे उपचारका क्रममा मृत्यु भएकाे जिल्लाका डिएसपी कृष्ण कुमार चन्दले जानकारी दिए । आचार्यकाे टाउकाेमा चाेट लागेकाे थियाे भने पाैडेलकाे बायाँ कुममा चाेट लागेकाे डिएसपी चन्दले बताए । पाैडेलकाे निम्स अस्पतालमा नै उपचार भइरहेकाे उनले जनाए ।
