झापा । ट्याक्टर र माेटरसाइकल ठाेकिँदा माेटरसाइकलमा सवार तीनमध्ये बाबु छाेरीकाे मृत्यु भएकाे छ । मृत्यु हुनेमा मोटरसाइकल चालक .झापा गा.पा. ३ बस्ने बर्ष २० को समिर अली र निजको छोरी बर्ष ५ की हाजिरा खातुन रहेकाे प्रहरीले जनाएकाे छ ।
प्रहरीले दिएकाे विवरण अनुसार शुक्रबार दिउँसाे १२:०० बजे समयमा जिल्ला झापा कनकाई न.पा.५ तुलसीवारी स्थित भित्री सडक खण्डमा सुरुङ्गाबाट झापा बजार तर्फ जादै गरेको मे.४प ५८५ नं. को मो.सा. र खेत जोतेर सडकमा निक्लदै गरेको मे.१त ७४०४ नं. को ट्याक्टर एकआपसमा ठक्कर खाई दुर्घटना भएकाे थियाे । घटनामा समिर छाेरी हाजिरा र निजकै आमा बर्ष ४५ की नुरेश सादेवी समेत तिन जना घाईते भएका थिए ।
घाइतेलाइ कन्काई अस्पताल सुरुङ्गा पठाईएकोमा उक्त अस्पतालमा पुग्न साथ डाक्टरले चेकजाँच गर्दा समिर र हाजिरा खातुनलाई मृत घोषणा गरेको, नुरेश सादेवीको अवस्था गम्भिर भएकोले थप उपचारको लागी बिएण्डसी अस्पताल बिर्तामोड पठाईएको छ ।
घटनामा मोटरसाइकल , ट्याक्टर र ट्याक्टरका चालक कनकाई ५ का बर्ष ४६ को चक्रबहादुर तामाङ नियन्त्रणमा लिइ अनुसन्धान भइ रहेको प्रहरीले जनाएकाे छ ।
