झापामा ९ पालिकाको बेरुजु घट्यो, मेचीनगरमा सबैभन्दा बढी बेरुजु

झापा । आर्थिक बर्ष ०७९÷८० मा अघिल्लो आर्थिक बर्षभन्दा झापाका पालिकाले बेरुजु घटाएका छन् । आर्थिक बर्ष ०७८÷७९ को तुलानामा झापाका बहुसंख्यक पालिकाले आर्थिक बर्ष ०७९÷८० मा बेरुजु घटाएका हुन् ।
यसरी बेरुजु घटाउने पालिकाहरुमा बिर्तामोड, कनकाई, गौरादह, दमक, शिवसताक्षी, कमल, गौरीगञ्ज, बाह्रदशी र अर्जुनधारा नगरपालिकाको बेरुजु घटेको हो । यसै गरी भद्रपुर, कचनकवल, झापा, बुद्धशान्ति, हल्दिबारीको बेरुजु बढेको महालेखापरीक्षकको कार्यालयले जनाएको छ ।
 आर्थिक बर्ष ०७८÷७९  लेखापरीक्षण नगराएको मेचीनगर नगरपालिकामा आर्थिक बर्ष ०७९÷८० मा सबैभन्दा बढी बेरुजु भएको पाइएको छ । सो आर्थिक बर्षमा मेचीनगरमा २२ करोड ५६ लाख १२ हजार रुपैँया बेरुजु भएको पाइएको हो ।