झापा / झापाको भद्रपुरमा खेल्दाखेल्दै अचानक डाेरीकाे पासो लागेर एक बालकको मृत्यु भएको छ ।
यसरी मृत्यु हुनेमा भद्रपुर नगरपालिका ३ आँपगाछी बस्ने पूर्णबहादुर मगरका छोरा अन्दाजी १२ वर्षीय प्रवेश मगर रहेकाे प्रहरीले जानकारी दिएकाे छ ।
प्रहरीका अनुसार आज दिउँसो ४.१० बजे मगर आफ्नै घर पछाडी लुगा सुकाउने बाँसको बलोमा बाबियोको डोरीमा खेल्ने क्रममा अचानक घाँटीमा पासो लागेकाे थियाे ।उनका बुवाले देख्नासाथ पासो खोली तत्काल उपचारको लागि ओमसाई पाथिभरा अस्पताल लगेकोमा उपचारको क्रममा दिउँसो ४ः३० बजे मृत्यु भएको हो । अनुसन्धान एवं कानुनी प्रकियाको लागि वडा प्रहरी कार्यालय भद्रपुरबाट प्रहरी निरीक्षक लोककृष्ण दाहालको कमाण्डमा टोली खटिएको जानकारी आएकाे छ ।
