झापा । झापामा आर्थिक बर्ष २०८०/८१ सम्ममा जिल्लाको कुल जनसंख्याको ६९.६७ प्रतिशत जनसंख्याले स्वास्थ्य बिमा गराएकाे पाइएकाे छ । सरकारले ल्याएको स्वास्थ्य बिमाप्रति नागरिकको आकर्षण बढ्दै गएपछि यस्ताे तथ्याक देखिएको हाे ।
आठ नगरपालिका र सात गाउँपालिका गरी १५ स्थानीय तह
रहेको जिल्लामा आर्थिक वर्ष २०८०/ ८१ सम्म ६,९५, ३७५ जनाले स्वास्थ्य
बिमा गराएकाे स्वास्थ्य विमा बोर्ड झापा जिल्ला सम्पर्क कार्यालयकी संयोजक लक्ष्मी
कँंडेलले बताइन् ।
जिल्लामा सबैभन्दा बढी दमक नगरपालिकाका नागरिकले स्वास्थ्य बिमा
गराएको देखिन्छ । स्वास्थ्य बिमा बोर्ड सम्पर्क शाखा कार्यालयको तथ्याङ्क
अनुसार त्यहाँ १,११,०८० जना नागरिकले स्वास्थ्य बिमा गराएका छन् भने
सबैभन्दा कम बिमित झापा गाउँपालिकामा १४,९७४ जना रहेको पाईन्छ । त्यस्तै
लक्षित वर्ग समूहमा पनि धेरै नागरिकहरु यस कार्यक्रममा समावेश रहेको पाइएको
छ । त्यस्तै गुणस्तरीय स्वास्थ्य सेवा सर्वसाधारणलाई प्रदान गरी स्वास्थ्य
सेवाको सुनिश्चित गर्ने लक्ष्यका साथ जिल्लामा २६ वटा स्वास्थ्य सेवा
प्रदायक संस्थाहरु स्वास्थ्य बिमा कार्यक्रममा सूचीकृत रहँदै स्वास्थ्य
सेवा उपलब्ध गराउँदै आएको तथ्यांक जिल्ला सम्पर्क कार्यालयसंग रहेको संयोजक कँंडेलको भनाइ छ ।
