झापा / रामेछाप जिल्ला कारागारका कैदीबन्दीले सामूहिक रूपमा भाग्ने प्रयास गर्दा नेपाली सेनाले गाेली चलाउँदा १४ जना घाइते भएकाेमा उपचारकाे क्रममा दुई जनाकाे मृत्यु भएकाे रामेछापका प्रमुख जिल्ला अधिकारी श्यमकृष्ण थापाले देश प्रदेश खबरलाई बताएका छन् ।
थापाका अनुसार कैदीबन्दीले कारागारभित्रका सबै ताला फोडेर बाहिर निस्कने क्रममा मुख्य गेटको ताला समेत तोड्न खोजेपछि सुरक्षामा खटिएकाे सेनाले गोली चलाएर नियन्त्रणमा लिएको थियाे। उनले भने,'भित्रका ताला फोडेर बाहिर गेटसम्म पुग्ने प्रयास गरियो। त्यसपछि सेनाले हवाइ फायर गरेकाे थियाे हवाइ फायर गर्दा पनि स्थिति नियन्त्रण भन्दा बाहिर जान लागेपछि सेनाले गोली चलायो। घटनामा १४ जना घाइते भएका छन्' । प्रमुख जिल्ला अधिकारी थापाले भने, '१२ जनाकाे जिल्ला अस्पताल रामेछापमा उपचार भइरहेकाे छ। केहि कैदैकाे स्वास्थ्य स्थिति अलिलक गम्भिर भएकाेले थप उपचारका लागि काठमाडाैं पठाउने तयारी भइरहेकाे छ' ।
