झापा । मन्दिरको १३ आँेै बार्षिक साधारणसभाको अबसर पारेर कालीमन्दिर टोल विकास संस्थाले रक्तदान कार्यक्रम सम्पन्न गरेको छ । भद्रपुर ७ मा रहेको पातालकाली भगवती मन्दिरको शनिबार सम्पन्न कार्यक्रममा दुई महिलासहित २० जनाले रक्तदान गरेका थिए ।
मन्दिर समितिका अध्यक्ष जीवनमणि लम्सालको सभापतित्व एवम भद्रपुर नगरप्रमुख गणेश पोखरेलको प्रमुख आतिथ्यमा भएको कार्यक्रमलाइ सम्बोधन गर्दै प्रमुख अतिथि पोखरेलले मन्दिरको भौतिक निर्माणमा पहल गर्ने बताए ।
समितिका अध्यक्ष लम्सालले बार्षिक प्रतिवेदन र कोषाध्यक्ष बासुदेव नेपालले आर्थिक प्रतिवेदन प्रस्तुत गरेका थिए ।
कालीमन्दिर टोल विकास संस्थाका अध्यक्ष हुतराज उत्तम नेपालले स्वागतसहित औचित्यमाथि प्रकाश पारेका थिए । कार्यक्रममा जेष्ठ नागरिक मानबहादुर विश्वकर्मा र हेमकुमारी पोखरेललाई सम्मान गरिएको थियो ।
कार्यक्रममा वडा नम्बर ७ का वडाअध्यक्ष अभिषेक ढुङ्गाना, नवदुर्गा मन्दिरका अध्यक्ष यादवप्रसाद पोखरेल, पण्डीत निलमणि नेपाल लगायतले मन्तव्य राखेका थिए ।
समितिका सचिव मात्रिका तिम्सिनाले सञ्चालन गरेको कार्यक्रममा नेपाल रेडक्रस सोसाइटी ,रक्त सञ्चार सेवा भद्रपुरको प्राविधिक सहयोगमा रक्तदान भएको थियो ।
कार्यक्रममा फलफूल पानी,जुस लगायतको सामग्री भद्रपुर मारवाडी महिला मञ्चले सौजन्य गरेको थियो । मञ्चकी अध्यक्ष निलम गोयलको नेतृत्वमा आएको समूहले सामाजिक क्षेत्रमा सेवा गर्न पाएकोमा खुसी व्यक्त गरेका थिए । 
