साङ्केतिक तस्वीर
झापा । करेन्ट लागेर इलाममा एकजनाको मृत्यु भएको छ ।
मृत्यु हुनेमा भारत किसनगञ्ज सरिभिट्टा बस्ने नुर अहमदका छोरा २२ वर्षीय अफ्सर आलम रहेकाे जिल्ला प्रहरी कार्यालय इलामले जनाएकाे छ ।
प्रहरीले दिएकाे विवरण अनुसार शनिबार साँझ ७.३० बजे इलाम माई नगरपालिका –२ माझबारी . बस्ने खेमराज लिम्बूको निर्माणाधीन घरमा टायल्सको काम गर्ने क्रममा आलमलाई अचानक करेन्ट लागेको थियो । घाइते भई अचेत अवस्थामा उनलाई स्थानीय माई नगर अस्पतालमा लगिएको थियो । उपचारका क्रममा राति ८ः२८ बजे उनको मृत्यु भएको जिल्लाका डीएसपी मानबहादुर राईले जानकारी दिए ।
मृतकको शव सोही अस्पतालको शवगृहमा राखिएको छ । मृतकको आफन्तलाई जानकारी गराइएको र साइटको ठेकेदार इलाम माई २ बस्ने ४४ वर्षीय सुकबहादुर राई प्रहरीको सम्पर्कमा रहेको राईले जानकारी दिए ।
