साङ्केतिक तस्वीर
झापा । स्कोरपियोको ठक्करबाट सिरहामा सशस्त्र प्रहरीका सईको मृत्यु प्रकरणमा दुईजनालाई पक्राउ गरिएको छ ।अनुसन्धानका क्रममा सोधपुछका निम्ति दुईजनालाई नियन्त्रणमा लिइएको प्रहरीले जनाएको छ । उनीहरूलाई आइतबार पक्राउ गरी आवश्यक बयान लिने कार्य भइरहेको जिल्ला प्रहरी कार्यालय सिरहाले जनाएको छ ।
घटनामा प्रयोग गरिएको गाडी र संलग्न व्यक्तिको पनि पहिचान भइसकेको छ ।नम्बर नखुलेको स्कोरपियोको ठक्करबाट नेपाल–भारत सीमानजिकै बडियारपट्टी, कचनारीको भित्री सडकमा गस्तीमा रहेका सशस्त्र प्रहरी नायब निरीक्षक ४८ वर्षीय लक्ष्मणप्रसाद यादवको आइतबार बिहान मृत्यु भएको थियो । ठक्कर दिएर उक्त स्कोरपियो भारततर्फ फरार भएको थियो ।प्रादेशिक अस्पतालमा यादवको शव परीक्षण गरी आइतबार साँझ नरहा गाउँपालिका–४ स्थित घरमा ल्याएर अन्त्येष्टि गरिएको थियो ।
