झापा । स्रोत नखुलेको १९ लाख ९० हजार रूपैयाँसहित मोरङ प्रहरीले एक जनालाई पक्राउ गरेको छ ।
प्रहरीले सुनसरी देवानगन्ज गाउँपालिका-५ बस्ने ४९ वर्षीय सुरेन्द्रप्रसाद साहलाई बुधबार बेलुका पक्राउ गरेको हो ।
विशेष सूचनाको आधारमा जिल्ला प्रहरी कार्यालय मोरङबाट खटिएको टोलीले को ७ प ५२२१ नम्बरको मोटरसाइकलमा सवार उनलाई विराटनगर महानगरपालिका-६ केशलिया मार्गबाट पक्राउ गरेको हो ।
अवैध हुण्डी कारोबारलाई नियन्त्रण गर्न जिल्ला प्रहरीले चलाएको अपरेसनमाबाट उनलाई पक्राउ गरिएको मोरङका प्रहरी प्रवक्ता रन्जन कुमार दाहालले बताए ।
