झापा । झापाको गौरीगञ्ज गाउँपालिका वडा नम्बर २ कुन्जिबारीस्थित ठूली पाथीभरा मातासरी माता गुरु मन्दिरमा एउटा अनौठो दृश्य यतिबेला देख्न सकिन्छ । मन्दिरका मुख्य सेवक ‘माता गुरु’ मन्दिरको मुलगेटमा लमतन्न परेर सुतेका छन् ।
उनी आफै सुतेका होइनन् । उनलाई पाथीभरा माताले सुताएको स्थानीयको धार्मिक विश्वास रहेको छ ।
उत्तानो परेका सुतेका माता गुरुका छातीमा दुर्गा भवानीको प्रसादका रुपमा टिका लगाएर कानमा सिउरिने (जमरा) दुई दिनदेखि उम्रिरहेको छ ।
जिउँदो मान्छे ९ दिनसम्म, जलबिना निराहार उत्तानो परेर सुतेको सुत्यै
छातीमा जमरा उमारिरहेको दृश्य सुनेर यतिवेला माता गुरु हेर्न आउने गरेका
छन् । मन्दिर समितिका अनुसार झापा, मोरङ, सुनसरीलगायतका स्थानबाट
सर्वसाधारण हेर्न आउन थालेका छन् ।
