झापा / झापा ५ मा नेपाली कम्युनिस्ट पार्टीका उम्मेदवार रन्जित तामाङले देशमा कानुनी सासन भएकाे भए अहिले उठेका धेरै उम्मेदवार जेलमा बसेका हुने बताएका छन् ।
कमल गाउंपालिकाको निर्वाचन परिचालन समितिको कार्यालय आइतबार उद्घाटन गर्दै तामाङले भने उक्त कुरा बताएका हुन् ।
उनले भने, ‘यदि देशमा कानुनी शासन पूर्ण रुपमा प्रत्याभूत हुने हो भने आज उम्मेदवार बनेका साथीहरू जेलमा बस्नुपर्ने हुन्थ्यो ।’
तामाङले अतिवादी शक्तिहरूबाट मुलुकले कुनै हालतमा निकास नपाउने दाबी गरे ।
नेकपाका युवा नेता तामाङले भाद्र २३ गतेकाे घटनाले भाद्र २४ गतेकाे घटनाकाे निर्माण भएका कारण जनता आजित भइसकेको दावी गरे ।
झापा– ५ मा तामाङसँगै एमालेबाट अध्यक्ष केपी शर्मा ओली, रास्वपाबाट वरिष्ठ नेता बालेन, कांग्रेसबाट मन्धरा चिमरिया र राप्रपाबाट लक्ष्मीप्राद संग्रौला चुनावी मैदानमा छन् ।
