झापा / माेटरसाइकल दुर्घटना हुँदा भद्रपुरका दुई जनाकाे मृत्यु भएकाे छ ।
मृत्यु हुनेमा भद्रपुर ९ बस्ने २५ वर्षीय भुपाल अधिकारी र ७ बस्ने शिर्षक सुवेदी रहेकाे जिल्ला प्रहरी कार्यालय झापाले जानकारी दिएकाे छ ।
झापाकाे बिर्तामोड नगरपालिका वडा नं. ६ गिरीबन्धु टि स्टेट नजिक पुर्ब पश्चिम राजमार्गमा चारआलीबाट बिर्तामोड तर्फ आउँदै गरेको मे ५ प ६२२२ नं को मोटरसाइकल बेलुका ५ः३० बजे आफै अनियन्त्रित भई दुर्घटना भएको थियाे ।
दुर्घटनामा दुबै जना गम्भीर घाइते भइ तत्काल उपचारको लागी बिर्तामोडकाे बि एण्ड सि अस्पताल पठाएकोमा डाक्टरले चेकजाँच गर्दा ऐ.१८;१५ बजे दुवै जनालाई मृत घोषणा गरेको थियाे । मृतकलाई तत्काल सोही अस्पतालको लाश घरमा राखिएकाे छ भने मोटरसाइकल नियन्त्रणमा लिई इलाका प्रहरी कार्यालय अनारमनी ल्याई राखेर थप अनुसन्धान भइरहेको प्रहरीले जानकारी दिएकाे छ ।
