झापा । नेपाल प्रहरीको केन्द्रीय अनुसन्धान ब्यूरो (सीआईबी)ले सिआईबीले ब्रेक शुबाट ३०२ किलो सुन तस्करी भएको निष्कर्ष सहितको प्रतिवेदन बुझाएको छ । ६० किलो ७१६ ग्राम सुन प्रकरणको अनुसन्धान सकेर हिजो सरकारी वकिललाई प्रतिवेदन बुझाएको हो । सीआईबीले चिनियाँ समूहले ब्रेक शुबाट थप ३०२ किलो सुन तस्करी गरेको निष्कर्ष निकालेको हो ।
त्रिभुवन अन्तर्राष्ट्रिय विमानस्थलको भन्सारबाट जाँचपास भएर बाहिरिएको ६० किलो ७१६ ग्राम सुन गत गत २ साउनमा आन्तरिक राजश्व विभागले बरामद गरेको थियो । उक्त सुन पनि ब्रेक शुमा लुकाएर ल्याइएको थियो ।
उक्त बरामद सुनबारे अनुसन्धान गर्ने जिम्मेबारी पाएको सीआईबीले ब्रेक शुमा लुकाएर थप ३०२.६२ किलो सुन तस्करी गरेको निष्कर्ष निकालेको सीआईबी प्रमुख प्रहरी अतिरिक्त महानिरीक्षक (एआईजी) किरण बज्राचार्यले जानकारी दिइन् ।
