झापा । दुर्गा प्रसाईका पीडीएफका जिल्ला संयोजक भीम तुम्बापो पक्राउ परेका छन् ।
शिवसताक्षी–१ स्थित धरमपुर बजारमा हिडडुल गरिरहेको अवस्था राष्ट्र, राष्ट्रियता, धर्म, संस्कृति र नागरिक बचाउ महाअभियानको भ्रातृ संगठन नागरिक प्रतिरक्षा बल (पीडीएफ) का झापा जिल्ला संयोजक तुम्बापोलाई इलाका प्रहरी कार्यालय, झिलझिलेबाट खटिएको प्रहरी टोलीले पक्राउ गरेको हो । उनलाई इलाका प्रहरी कार्यालय बिर्तामोडमा बुझाइएको डीएसपी प्रकाश विष्टले बताए ।
यसअघि हिजो दिउँसो बिर्तामोड ७, गरामनीस्थित निजी निवासबाट नागरिक प्रतिरक्षा बल (पीडीएफ) का झापा जिल्ला सहसचिब बिजय चौधरी पक्राउ परेका थिए । तुम्बापोलाई कन्काई – ८, बिरिङ पुल र बिर्तामोड –६ गिरीबन्धु टी इस्टेटनजिक पूर्वपश्चिम राजमार्गमा २ वटा ट्रकमा भएको आगजनीमा संलग्न भएको हुन सक्ने आशंकामा पक्राउ गरिएको बताइएको छ । उनीमाथि अनुसन्धान भइरहेको बिर्तामोड प्रहरीका डीएसपी प्रकाश विष्टले बताए ।
