झापा । झापाकसी एक महिलालाइ धारिलाे हतियार प्रयाेग गरी फरार रहेका एक व्यक्तिलाइ प्रहरीलले सप्तरीबाट नियन्त्रणमा लिएकाे छ । कमल गाउँपालिका वडा नं ६ सुकुम्बासी टोल बस्ने ३१ वर्षीया सुमित्रा ऋषिदेवलाई धारिलो हतियार प्रहार गरी फरार भएका रुपेश सदालाई प्रहरीले सप्तरीबाट नियन्त्रणमा लिएकाे जिल्ला प्रहरी कार्यालय झापाले जनाएकाे छ ।
सप्तरी राजबिराज नगरपालिका वडा नं.११ स्थायी ठेगाना भई कमल ६ मा कोठा भाडामा बसी सिटी सफारी चलाउने ४१ वर्षीय सदाले शनिबार दिउँसो १ बजे सुमित्रालाई धारिलो हतियारले टाउको र दुबै हातमा प्रहार गरी घाइते बनाएकाे जिल्लाका डिएसपी कृष्णकुमार चन्दले जानकारी दिए । घटनापछि फरार भएका सदालाई सप्तरी जिल्लाको बिषनपुरबाट नियन्त्रणमा लिई इलाका प्रहरी कार्यालय दमकमा ल्याई अनुसन्धान कार्य जारी रहेको डिएसपी चन्दले बताए ।
प्रहरीले घटनास्थलबाट एक थान खुकुरी,एक थान छुरी र एक थान रड बरामद गरेको छ । घाइतेको न्यूरो हस्पिटल विराटनगरमा उपचार भइरहेको जनाइएकाे छ ।
