झापा / झापाकाे विर्तामाेड नगरपालिका ९ गरामुनीमा रहेकाे दुर्गा माध्यमिक विद्यालयका गणित विषयका शिक्षकले कक्षा ९ का तीन जना छात्रछात्रालाई कुटपिट गरेका छन् ।
साेमबार विद्यालय समयमा शिक्षक हरि दङ्गालले विना कारण कुचाेले कुटपिट गरेका कारण हिडडुल गर्न नसक्ने अवस्था रहेकाे पिडित एक छात्राले बताइन् ।उनले गहभरी आशु पारेर भनिन, 'कक्षा व्रेक भएकाे थियाे व्रेकपछि म लगायत अरू साथीहरुपनि कक्षा काेठामा गयाै । म छेउ तिर बस्थे अरु दुइजना भित्तातिर बस्थे म पहिलै काेठामा आएपछि साथीहरुपनि आए, उनीहरुलाई बेन्चमा बस्न दिनकालागि म उठेर बाटाे छाेडिदिए तै समयमा सरले मलाई र अरु दुइजना साथीहरुलाईपनि कुचैकुचाेले कुटपिट गर्नु भयाे' ।
पिडितकी आमाले हाम्राे नानीहरुलाई नजानेकाे कुरा सिकेर जान्ने हुन्छन् भनेर विद्यालय पठाएका हाै, यसरी पढ्न गएकाे बच्चा कुटाइ खाएर आँउछ भने के भन्नु भन्दै भक्कानु परिन ।
विद्यालयका प्रधानाध्यापक लक्ष्मण शिवाकाेटीले आफु ४ः१० सम्म विद्यालयमै भएकाे, त्याे वेलासम्म कुनै जानकारी नआएकाे तर आज मंगलबार बिहान सामाजिक सञ्जालमा भिडियाे देखेर थाहा पाएकाे बताउदै आज १० बजे स्कुल गएर के भएकाे रहेछ दुवै पक्ष राखेर छलफल गर्ने बताए ।
गणित विषयका शिक्षक दङ्गालले विद्यार्थीहरुले धेरै हल्ला गरेका कारण तर्साउनका लागि मात्रै पाट्टपुट्ट पारेकाे हाे चाेट लाग्ने गरि कुटपिट नगरेकाे बताए ।
