झापा । उपप्रधानमन्त्री एवं गृहमन्त्री रवि लामिछानेले सिमा क्षेत्रमा उपभाेग्य समान भारतबाट ल्याउदा त्यस भित्र अरुनै महङ्गा समानकाे तस्करी हुने बताएका छन् ।
शनिबार इलाममा आयोजित एक अन्तर्क्रियामा उनले सीमा क्षेत्र र विमानस्थलमार्फत हुने तस्करी नियन्त्रण तथा राजश्व चुहावटमा निर्मम भएर लाग्ने बताएका हुन् ।
‘हेर्दा एउटा मान्छेले एक किलो चिनी लिएर आएकोमा पनि के आँखा लगाएको होला भन्ने होला । जस्तो एउटा बोरा चामलको लागि लछारपछार गरेको, भिडियोहरु समाजिक सञ्जालमा देख्नु भएकाे हाेला, तर त्यसको वास्तविकता फेरि अर्कै हुन्छ । तर त्यो बोरा भित्र मोबाइलका पार्ट्सहरु थिए’, उपप्रधानमन्त्री लामिछानेले भने ।
यस्ताे गतिविधी चाडाे भन्दा चाडाे निस्तेज पार्ने पनि उनले बताए ।
