काडमाडाैं । नेपाली कांग्रेसका महामन्त्री विश्वप्रकाश शर्माले नेकपा एमालेका अध्यक्ष केपी शर्मा ओलीले गृहमन्त्री रवि लामिछानेलाई प्रयोग गरिरहेको टिप्पणी गरेका छन् ।
आइतबार काठमाडाैंकाे प्रदर्सनीमार्गमा सरकारविरुद्ध कांग्रेसले गरेको प्रदर्शनपछि आयोजित सभामा बोल्दै उनले संसदीय छानबिन समिति बनाउनु नपर्ने र बनाउने भए काम चलाउ बनाउने अडान एमाले अध्यक्ष ओलीले लिएकाे कारण समिति बन्न नसकेकाे बताए । उनले भने, 'ओलीले गृहमन्त्रीलाई आश्रय दिएर रास्वपाललाई खुइल्याउने प्रपञ्च रचेका छन् । पछि थाहा हुन्छ' । महामन्त्री शर्माले बुदाँगतमा विभिन्न कारण देखाउदै ओलीले मिसन ८४ मा आफ्नाे स्वार्थ पुरा गर्नकाे लागि रास्वपालाई हात लिएकाे बताए ।
‘रविलाई देखाएर आफ्ना कयाैं नेता तथा कार्यकर्ता पनि सहकारीकाे रकम हिनामिना गरेकाेले जोगाउनुपर्ने पार्टी पङ्ति छ । रविलाई साथ दिएर गिरीबन्धु सहकारी गठबन्धन बनाउनुछ’, शर्माले भने, ‘झापाका केपी ओलीलाई झापाका विश्वप्रकाशले जति बुझेका छन् भक्तपुरका रवि लामिछाने चिनेका छैनन्’ ।
अध्यक्ष ओलीको अडानलाई लिएर एमालेभित्र गम्भीर समीक्षा हुनुपर्ने बेला आएको शर्माले बताए । 'सार्वजानिक शाैचालयमा बसेर, एकएक घाेगा मकै बेचेर सहकारीमा जम्मा गरेकाे रकम डुवेका ती गरिवकाे पक्षमा एमालेका विद्यार्थी संगठनहरु उभिन चाहन्छ या ओलीकाे ?’, शर्माले प्रश्न गरे । गृहमन्त्री रवि लामिछानेले संसदमा सम्बोधन गर्दा उठाएका सवालबारे चलनचल्तीकाे भाषा दाजुभाउजु, मामा माइजुलगायत क-कस्काे छानबिन गर्न हाे कांग्रेस तयार रहेको भन्दै शर्माले अधिकारसम्पन्न आयोग बनाउन प्रधानमन्त्री र गृहमन्त्रीलाई चुनौती दिए ।
