झापा । मन्दिरकाे वार्षिक उत्सव तथा महाशिवरात्रीकाे अवसर पारेर पहिलाे पटक १०८ महाआरती हुने भएकाे छ । भद्रपुर –९ स्थित जमदार चाेक पुहाँतुबारीमा रहेकाे श्रीरामेश्वर शिवपाञ्चायन मन्दिर समावेशी धाममा महाआरतीसहित सांगीतिक भजन साँझ हुने भएको हाे ।
यही फागुन २५ गते शुक्रबार महाशिवरात्रीको अवसरमा धाम परिसरमा सांगीतिक भजन साँझ तथा महाआरती हुने साेमबार मन्दिर परिसरमा पत्रकार सम्मेलनको आयोजना गरी जानकारी गराइएकाे थियाे । धामको आयोजना र जमदारचोक युवा परिवारको सहआयोजनामा सांगीतिक भजन साँझ तथा महाआरती हुने धाम निर्माण तथा व्यवस्थापन समिति अध्यक्ष सरोज निरौलाले जानकारी दिए ।
कार्यक्रम सफल बनाउन सहयोगी एवम् धार्मिक व्यक्तित्वहरुबाट सहयोगको मुख्य अपेक्षा गरिएकाे अध्यक्ष निरौलाले बताए ।
कार्यक्रम सम्पन्न गर्न करिब १० लाख रुपैयाँ खर्च हुने अनुमान गरिएको जमदारचोक युवा परिवारका अध्यक्ष पदम अधिकारीले बताए । खर्च व्यवस्थापनका लागि देशविदेशमा रहेका विभिन्न दाताहरुबाट स्वेच्छिक सहयोग संकलन गरिरहेको उनले जानकारी दिए ।
वि.सं. २०६० सालमा महाशिवरात्रीकै दिन स्थापना गरिएको मन्दिरले बर्सेनि महाशिवरात्रीका दिन विविध कार्यक्रम गर्दै आइरहे पनि याे वर्ष फरक ढङ्गले गर्न लागिएकाे समितिकाे भनाइ छ ।
करिब ६ कठ्ठा क्षेत्रफलमा रहेको मन्दिरलाई धामको रुपमा विकास गर्ने लक्ष्यका साथ काम भइरहेको व्यवस्थापन समिति उपाध्यक्ष गोपालकृष्ण भट्टराईले बताए ।
कोशी प्रदेश सरकारको सहयोगमा मन्दिर परिसरमा बहुउपयोगी सामुदायिक भवन निर्माणाधीन अवस्थामा रहेकोले भवनलाई पूर्णता दिन संघ, प्रदेश र स्थानीय सरकारसमक्ष पहल भइरहेको जनाइएकाे छ ।
पहिलो पटक महाआरती गर्न लागिएको र आवश्यक सामग्री भारतको
बनारसबाट आउने क्रममा रहेको जनाइएको छ । महाआरतीपश्चात धार्मिक वक्ताबाट
शिव महिमा वाचन हुनेछ भने सांगीतिक साँझ अन्तरगत पुष्पन प्रधान र कृपा
पौडेलले संगीतमय भजन गाउने जनाइएको छ ।कार्यक्रम सफल बनाउँन भव्य तयारी गरिरएकाे पाइएकाे छ ।
गुरुकूल सञ्चालनको लक्ष्य लिएको धाममा हाल १५ वर्षसम्मका ४०
जना बालबालिकाले नैतिक र आध्यात्मिक शिक्षा समेत लिइरहेका छन् ।
अति उत्तम कार्यको शुभारम्भ