झापा । पूर्व प्रधानमन्त्री तथा नेकपा एमालेका अध्यक्ष केपी शर्मा ओलीले २०८४ मा नेपालको राजनीतिका लागि ‘टर्निङ प्वाइन्ट’ हुने बताएका छन् ।
बिहीबार काठमाडाैंकाे बल्खुमा एमालेले आयोजना गरेको जननेता मदन भण्डारी र जीवराज आश्रितको ३१ औँ स्मृति दिवसकाे कार्यक्रममा बोल्दै अध्यक्ष ओलीले २०८४ पछि नेपालको राजनीतिले लिने नयाँ मोड अग्रगामी हुने समेत बताए ।
ओलीले भने, ‘नेपालको राजनीतिले नयाँ मोड लिनुपर्दछ । त्यसकारण हामीले मिसन ०८४ भनेका छौँ, त्यो मोड प्रतिगामी होइन, अग्रगामी हुनेछ' ।
