झापा । राप्ती नदीले बगाएर चितवनको मेघौलीका दुई जना बेपत्ता भएका छन् ।
शुक्रवार अपरान्ह नदीमा बगेका तीनमध्ये दुई जना बगेर बेपत्ता भएका हुन् ।
इलाका प्रहरी कार्यालय पर्साढापका अनुसार भरतपुर महानगरपालिका –२५ का ४३ वर्षीय सञ्जिव चौधरी, वडा नम्बर २७ का ४५ वर्षीय सुकबहादुर परियार र २८ वर्षीय रोहितकुमार चौधरीलाई नदीले बगाएको थियो ।
बगेको केहीबेरमा उत्रिएका रोहितकुमारले अन्य दुई जना साथीलाई जमुनाघाटबाट नदीले बगाएको जानकारी प्रहरीलाई दिएका थिए । उनकै सूचनाका आधारमा प्रहरीले खोजी सुरु गरेको छ ।
निकुञ्ज सुरक्षार्थ खटिएको नयाँ गोरख गणका नेपाली सेना, स्थानीयबासीको टोलीले शनिबार पनि बिहानैबाट हात्ती र मोटरबोटबाट खोजी सुरु गरेका छन् ।
