भारतको बागडोग्रामा भएको कार दुर्घटनामा बिर्तामोडका एक युवकको मृत्यु भएको छ भारतको सिलिगुडीबाट फर्किदै गर्दा बाग्मती प्रदेश–०१०३२ च १६८० नम्बरको कार बागडोग्राको सन्यासी स्थानको चिया बगानमा रुखमा ठोक्किएर दुर्घटना भएको थियो । दुर्घटनामा अलैची व्यवसायी बिर्तामोड ५ निवासी भरत चौधरीका छोरा अन्दाजी वर्ष २३ का अमित चौधरीको मृत्यु भएको अलैची व्यवसायी संघका निर्मल भट्टराईले सामाजिक संजालमा उल्लेख गरेका छन् ।घाइते चौधरीको बागडोग्रास्थित ग्यालेक्सीस्थित अस्पतालमा उपचारका क्रममा मृत्यु भएको जनाइएको छ ।
कारमा उनी मात्र एक्लै रहेको बताइएको छ । तीब्र गतिका कारण कार रुखमा ठोक्किएर दुई टुक्रा भएको छ ।उनले मादक पदार्थ सेवन गरेर गाडी चलाएको पाइएको भारतीय प्रहरीले जनाएको छ ।
