झापाको मेचीनगर नगरपालिका–६ मेचिपुल नजिक लागुऔषधसहित एक युवकलाई प्रहरीले नियन्त्रणमा लिएको छ।
शुक्रबार साँझ करिब ५:०० बजे लागुऔषध नियन्त्रण ब्यूरो शाखा काँकडभिट्टाबाट खटिएको प्रहरी टोलीले भारतबाट नेपालतर्फ पैदल आइरहेका नुवाकोट किस्पाङ गाउँपालिका–३ का २७ वर्षीय रामबहादुर तामाङलाई शंका लागि चेकजाँच गर्दा उनको साथबाट लागुऔषध (खैरो हेरोइन) जस्तो देखिने लिसिलो पदार्थ फेला पारेको प्रहरीले जनाएको छ।
फेला परेको पदार्थलाई मान्यता प्राप्त डिजिटल तराजुमा तौल गर्दा प्लास्टिकसहित १९ ग्राम ३८० मिलिग्राम र प्लास्टिक बाहेक १७ ग्राम २०० मिलिग्राम रहेको प्रहरीले जनाएको छ।
तामाङलाई उक्त लागुऔषधसहित नियन्त्रणमा लिएर आवश्यक अनुसन्धान तथा कानुनी कारबाहीका लागि इलाका प्रहरी कार्यालय काँकडभिट्टामा राखिएको लागुऔषध नियन्त्रण ब्यूरो शाखा काँकडभिट्टाले जनाएको छ।
प्रहरीले यस सम्बन्धमा थप अनुसन्धान जारी रहेको बताएको छ।
