झापा / झापाकाे बुद्धशान्ति गाउँपालिका वडा नम्बर ३, सयपत्री टोलका ३९ वर्षीय रोशन जिमीको आज साँझ करेन्ट लागेर मृत्यु भएको छ।
उनी आफ्नै खेतमा रोपाइँ गर्ने तयारीमा मोटर सेट जडान गरी घर नजिकैको पैनिबाट पानी तान्ने क्रममा अचानक करेन्ट लागेको प्रहरीले जानकारी दिएकाे छ । घाइते भएका उनलाई उपचारका लागि तत्काल बिर्तामोडस्थित बीएण्डसी अस्पताल पुर्याइएको थियो। तर, उपचारको क्रममा साँझ ७:१५ बजे चिकित्सकले मृत घोषणा गरेका थिए।
मृतकको शव हाल सोही अस्पतालमा राखिएको छ। घटना सम्बन्धमा इलाका प्रहरी कार्यालय धुलाबारीबाट टोली खटिएको छ र थप अनुसन्धान भइरहेको जानकारी प्राप्त भएको छ।
स्थानीयवासीका अनुसार रोपाइँको चटारोका बीच अचानक भएको यो घटनाले गाउँमा शोकको वातावरण सिर्जना भएको छ। सुरक्षाको उपाय अपनाउन आग्रह गर्दै स्थानीय निकायले पनि घटना प्रति दुःख व्यक्त गरेका छन्।
