झापा । भद्रपुर नगरपालिकाले आगामी आर्थिक वर्ष २०८१।०८२ को नीति तथा कार्यक्रमका लागि ९९ करोड २ लाख १९ हजार रुपैयाँ बराबरको बजेट प्रस्तुत गरिएको छ ।
उपप्रमुख राधा कार्कीले आइतबार भद्रपुर नगरपालिकाको १४ औं नगरसभा मार्फत बजेट प्रस्तुत गरेकी हुन् ।
उपप्रमुख कार्कीले आर्थिक विकासतर्फ ४ करोड ९० लाख ३३ हजार, सामाजिक विकासतर्फ ३७ करोड ७४ लाख ४६ हजार, वातावरण तथा विपद् व्यवस्थापनतर्फ २ करोड ५५ लाख , संस्थागत विकास÷सेवा प्रवाह÷सूचना प्रविधि विकास तथा कार्यालय सञ्चालनतर्फ १४ करोड ४७ लाख र पूर्वाधार विकासतर्फ ३९ करोड ३५ लाख ५४ हजार गरी ९९ करोड २ लाख १९ हजार रुपैयाँ बराबरको बजेट प्रस्तुत गरिन् ।
ल्याएको अनुमानित बजेट खर्च व्यहोर्ने स्रोतमध्ये नगरपालिकाको आन्तरिक आय ७ करोड , राजस्व बाँडफाँडतर्फ सङ्घबाट १३ करोड १९ लाख , प्रदेशबाट ८५ लाख, स्थानीयबाट ३ करोड ७५ लाख गरी राजस्व बाँडफाँडबाट जम्मा १७ करोड ७९ लाख , सङ्घीय तथा प्रदेश सरकारबाट प्राप्त हुने वित्तिय समानीकरण अनुदानबाट १८ करोड ९४ लाख , शसर्त अनुदानचालुबाट २९ करोड ४९ लाख ५५ हजार , सशर्त अनुदानपूँजिगतबाट ४ करोड ७६ लाख ६० हजार, समपूरक अनुदानबाट २ करोड १० लाख,विषेश अनुदानबाट ३ करोड गरी वित्तीय हस्तान्तरणबाट प्राप्त जम्मा ५८ करोड ३० लाख १५ हजार रहेको छ ।
