झापाको भद्रपुर नगरपालिका–२ स्थित होलिल्यान्ड इङ्लिस स्कुलमा कक्षा ७ मा अध्ययनरत एक बालक शनिबार बिहानदेखि बेपत्ता भएका छन्।
आदित्य पौड्याल नाम गरेका ती बालक शनिबार (भदौ २८ गते) बिहान करिब १० बजे घरबाट साथीकोमा जान्छु भनेर निस्किएका थिए। तर, रातीसम्म पनि उनी घर नफर्किएपछि परिवारले खोजी कार्य अघि बढाएको छ। अहिलेसम्म उनीबारे कुनै जानकारी नआएको परिवार स्रोतले जनाएको छ।
परिवारजनले स्थानीय स्तरमा खोजी गरिसकेपनि कुनै जानकारी नपाएपछि अब सार्वजनिक रूपमै जानकारी गराउँदै सहयोगको अपील गरेका छन्।
यदि कसैले आदित्य पौड्याललाई देख्नुभएको छ वा उहाँबारे कुनै जानकारी पाउनुभएको छ भने, कृपया तल उल्लेखित सम्पर्क नम्बरमा जानकारी गराइदिनु हुन परिवारजनले अनुरोध गरेका छन्:
📞 ९८१४९४४१२१ / ९८१६९३४४८७
बालक सम्बन्धी विवरण:
नाम: आदित्य पौड्याल
उमेर: करिब १२–१३ वर्ष
बसेको स्थान: भद्रपुर नगरपालिका–२, झापा
विद्यालय: होलिल्यान्ड इङ्लिस स्कुल, कक्षा ७
बेपत्ता मिति: २०८२ भदौ २८, शनिबार बिहान १० बजेपछि
सम्बन्धित निकाय तथा स्थानीय समुदायले सघाउने अपेक्षा गरिएको छ।
