चिसोका कारण तीन दिन विद्यालय बन्द

                                                                                                                              साङ्केतिक तस्वीर

झापा । चिसो बढेपछि सुनसरीस्थित इटहरी उपमहानगरपालिकाले तीन दिन विद्यालय बन्द गर्ने भएको छ ।

उपमहानगरपालिकाले मंगलबार सूचना जारी गर्दै अत्यधिक चिसो बढेको र शीतलहर सुरु भएको जनाएको छ । जाडोका कारण पठनपाठन प्रभावित भएको हुँदा ५ माघसम्म विदा दिने इटहरी उपमहानगरपालिकाले जनाएको छ ।शीतलहरका कारणले रोकिएको पठनपाठन वर्षे विदामा मिलान गर्ने जारी सूचनामा भनिएको छ । सामुदायिक/धार्मिक/बालविकास केन्द्रहरुमा विदा हुने उपमहानगरले जनाएको छ ।