पुस २७ देखी चार दिनसम्म कचनकवलले दियो स्थानीय विदा

झापा । झापाको कचनकवल गाउँपालिकाले राष्ट्रिय भाक्का दिवसका दिन स्थानीय बिदा दिने निर्णय गरेको छ । आदिवासी राजवंशी समुदायको बाहुल्यता रहेको कचनकवलमा यही पुस २९ गते आइतबारका दिन मनाइने राष्ट्रिय भाक्का दिवसको अवसरमा स्थानीय बिदा दिने निर्णय गरेको हो । उक्त दिन अति आवश्यक सेवाबाहेक कचनकवल गाउँपालिकाको कार्यालय, सम्पूर्ण शैक्षिक संस्था, स्वास्थ्य संस्था, वडा कार्यालयहरू बन्द रहने गाउँपालिकाले बुधबार जारी गरेको सूचनामा उल्लेख छ ।

 पुस २७ गते पृथ्वी जयन्ती र तोल ल्होसार, पुस २८ शनिबार र माघ १ गते माघे सङ्क्रान्ति पर्व परेकोले गाउँपालिकामा लगातार चार दिन सार्वजनिक बिदा हुने भएको छ ।