साङ्केतिक तस्विर
झापा । मोटरसाइकल दुर्घटना हुँदा बिर्तामोडका दुईजना गंभीर घाइते भएका छन् ।घाइते हुनेमा बिर्तामोड ८ गरामनी बस्ने ४१ वर्षीय जितेन
राजबंशी र सोही मोटरसाइकलमा पछाडी सवार बिर्तामोड ८ गरामनी बस्ने ५१ वर्षीय
कुमार श्रेष्ठ रहेका छन् ।
जिल्ला प्रहरी कार्यालय इलामले दिएकाे जानकारी अनुसार शनिबार साँझ ६ः२० बजे इलामको रोङ गाउँपालिका ३ कोलबुङस्थित मेची राजमार्गमा कन्यामबाट झापातर्फ आउँदै गरेको प्र१–०१–०१८ प ९५०६ नं. को मोटरसाइकल आफै अनियन्त्रित भई दुर्घटना भएको हो । मोटरसाइकल सडकको डिभाईडेड (वाल) मा ठक्कर खाई सडकको बायाँपट्टीको साईडबाट अन्दाजी १५ मिटर तल झरेको प्रहरीले जनाएको छ ।
दुर्घटनामा मोटरसाइकल चालक राजबंशीको बायाँ खुट्टामा चोट लागेको छ । बोल्न नसक्ने उनको अबस्था मध्यम रहेको छ । सोही मोटरसाइकलमा पछाडी सवार श्रेष्ठको टाउकोमा चोट लागेको छ । बोल्न सक्ने उनको अबस्था पनि मध्यम रहेको छ । दुबै जनालाई तत्काल उद्दार गरी प्रहरी चौकी हर्कटेले उपचारको लागि बीएण्डसी अस्पताल बिर्तामोड पठाएको छ ।
मोटरसाइकल प्रहरी चौकी हर्कटेको नियन्त्रणमा रहेको प्रहरी कार्यालयले जनाएको छ ।
