झापा / मकवानपुरको थाहा नगरपालिका- १ स्थित कुन्छाल बस्तीमा देवरले भाउजुको विभत्स तरिकाले हत्या गरेर हतियारसहित इलाका प्रहरी कार्यालयमा पुगेका छन् ।
बिहीबार दिउँसो सवा २ बजेतिर ५५ वर्षीया तुलुमाया गोपालीको हत्या देवर नाता समेत पर्ने छिमेकमै बस्ने अन्दाजी ३५ वर्षीय जीवन गोपालीले धारिलो हतियार प्रयोग गरेपछि हतियारसहित अपराह्न ३ बजेर ४० मिनेट जाँदा इलाका प्रहरी कार्यालय पालुङमा आत्मासमर्पण गरेका हुन् ।
प्रहरीका अनुसार जीवन गोपालीलाई नियन्त्रणमा लिइएको छ भने हाल घटनाको विषयमा थप अनुसन्धान भइरहेको छ। हत्या किन गरियो भन्ने विषयमा प्रारम्भिक विवरण आइसकेको छैन।
इलाका प्रहरी कार्यालय पालुङले यस घटनालाई गम्भीरता साथ लिएर आवश्यक कानुनी प्रक्रिया अघि बढाइएको जानकारी दिएको छ।
