भद्रपुर — भद्रपुर नगरमा पहिलो पटक RAT (Rapid Action Team) टिम गठन गरिएको छ। स्थानीय स्तरमा सामाजिक सेवा, आपतकालीन सहयोग तथा जनचेतनामूलक कार्यक्रमहरू प्रभावकारी रूपमा सञ्चालन गर्ने उद्देश्यका साथ टिम घोषणा गरिएको हो।
नवगठित टिमको सभापतिमा श्रवण पोखरेल चयन भएका छन् भने उपसभापतिमा सुशान्त नेपाल र सचिवमा नासिम अख्तर रहेका छन्। टिममा अन्य सदस्यहरू समेत समावेश गरी पूर्णता दिइएको जनाइएको छ।
भद्रपुरमा पहिलो पटक गठन गरिएको यस RAT टिमले विशेष गरी विपद् व्यवस्थापन, सामाजिक सेवा र समुदायसँग समन्वय गर्दै जनताको सेवामा सक्रिय भूमिका निर्वाह गर्ने लक्ष्य लिएको छ।
स्थानीय तहमा छिटो र प्रभावकारी प्रतिक्रिया दिने उद्देश्यसहित स्थापना गरिएको यो टिमले आगामी दिनमा भद्रपुरका नागरिकहरूका लागि महत्वपूर्ण सहयोग पुर्याउने अपेक्षा गरिएको छ।
