झापा / अख्तियार दुरुपयोग अनुसन्धान आयोगले कांग्रेस नेता तथा पूर्वप्रधानमन्त्री शेरबहादुर देउवाकी पत्नी आरजु राणा देउवामाथि छुट्टै अनुसन्धान अघि बढाउने निर्णय गरेको छ।
आयोग स्रोतका अनुसार प्रारम्भिक उजुरी तथा प्राप्त प्रमाणका आधारमा उनको भूमिकाबारे थप विस्तृत अनुसन्धान आवश्यक देखिएको भन्दै छुट्टै फाइल खोलेर अनुसन्धान गर्ने निर्णय गरिएको हो।
अख्तियारले सम्बन्धित निकायहरूबाट कागजात तथा विवरण माग गर्ने, आर्थिक कारोबार तथा सार्वजनिक पदसँग सम्बन्धित सम्पर्कहरूको अध्ययन गर्ने तयारी गरेको बताइएको छ।
यसअघि दर्ता भएका उजुरीहरू र प्रारम्भिक छानबिनको निष्कर्षका आधारमा थप अनुसन्धान आवश्यक देखिएको आयोगले जनाएको छ। अनुसन्धानको दायरामा रहेका विषयहरूबारे अहिले विस्तृत विवरण सार्वजनिक गरिएको छैन।
आयोगले अनुसन्धान निष्पक्ष रूपमा अघि बढाइने र आवश्यक प्रमाण संकलनपछि मात्रै थप कानुनी प्रक्रिया अघि बढाइने जनाएको छ।
याे पनि पढ्नुहाेस्
पासपोर्ट खरिद घोटाला: महानिर्देशक अर्यालसहित १८ विरुद्ध भ्रष्टाचार मुद्दा, १० अर्ब १३ करोड बिगो दाबी
